HarryPotter

#加速主义  #加速主義
西班牙傳媒爆出基利安麥巴比轉會條件，就係轉會費2億歐元(約18.5億港元)，另加稅後年薪3500萬歐元，只要滿足上述2個條件，皇馬今夏就可以得到呢位法國射手。
其實麥巴比值幾錢，坊間早有公論，西班牙《阿斯報》報道，麥巴比現時只有兩條路，一係同聖日耳門續約，繼續留隊，一係就轉會皇馬，去西甲做球王。而轉會費同年薪，早就有幕後人員為佢操作。
麥巴比與聖日耳門合約到2022年6月30日，現時聖日耳門正同佢傾續約，如果今夏出售，就會標價2億歐元。聖日耳門2017年從摩納哥簽入麥巴比，轉會費為1.8億歐元，幾年過去，麥巴比已經完全成長，身價亦理應上升，以2億歐元出售算係合理價錢。
早前有消息指利物浦都係潛在買家，有建議利物浦今夏動用2億歐元購入麥巴比，在英超踢2、3季後再以同樣價錢賣畀皇馬，都係可行方法。